स चायं शक्तिपातो नवधा तीव्रमध्यमन्दस्य उत्कर्षमाध्यस्थ्यनिकर्षैः पुनस् त्रैविध्यात् तत्र उत्कृष्टतीव्रात् तदैव देहपाते परमेशता मध्यतीव्रात् शास्त्राचार्यानपेक्षिणः स्वप्रत्ययस्य प्रातिभज्ञानोदयः यदुदये बाह्यसंस्कारं विनैव भोगापवर्गप्रदः प्रातिभो गुरुर् इत्य् उच्यते तस्य हि न समय्यादिकल्पना काचित् अत्रापि तारतम्यसद्भावः इच्छावैचित्र्यात् इति सत्य् अपि प्रातिभत्वे शास्त्राद्यपेक्षा संवादाय स्याद् अपि इति निर्भित्तिसभित्त्यादिबहुभेदत्वम् आचार्यस्य प्रातिभस्यागमेषु उक्तम् सर्वथा प्रतिभांशो बलीयान् तत्सन्निधौ अन्येषाम् अनधिकारात्
Transliteration (IAST)
sa cāyaṃ śaktipāto navadhā tīvramadhyamandasya utkarṣamādhyasthyanikarṣaiḥ punas traividhyāt tatra utkṛṣṭatīvrāt tadaiva dehapāte parameśatā madhyatīvrāt śāstrācāryānapekṣiṇaḥ svapratyayasya prātibhajñānodayaḥ yadudaye bāhyasaṃskāraṃ vinaiva bhogāpavargapradaḥ prātibho gurur ity ucyate tasya hi na samayyādikalpanā kācit atrāpi tāratamyasadbhāvaḥ icchāvaicitryāt iti saty api prātibhatve śāstrādyapekṣā saṃvādāya syād api iti nirbhittisabhittyādibahubhedatvam ācāryasya prātibhasyāgameṣu uktam sarvathā pratibhāṃśo balīyān tatsannidhau anyeṣām anadhikārāt
আৰু এই শক্তিপাত ন প্ৰকাৰ, কিয়নো তীব্ৰ-মধ্য-মন্দ আকৌ উৎকৰ্ষ-মাধ্যস্থ্য-নিকৰ্ষেৰে তিনি-তিনি প্ৰকাৰ। তাত উৎকৃষ্ট-তীব্ৰৰ পৰা তেতিয়াই দেহ-পাতত পৰমেশতা; মধ্য-তীব্ৰৰ পৰা শাস্ত্ৰ-আচাৰ্য-নিৰপেক্ষ, নিজ প্ৰত্যয়ৰ প্ৰাতিভ-জ্ঞানৰ উদয়, যাৰ উদয়ত বাহ্য সংস্কাৰ অবিহনেই ভোগ-অপবৰ্গ-প্ৰদ — তেওঁক প্ৰাতিভ গুৰু বোলা হয়; কিয়নো তেওঁৰ সময়ী আদিৰ কোনো কল্পনা নাই। ইয়াততো ইচ্ছাৰ বৈচিত্ৰ্যৰ বাবে তাৰতম্য আছে — সেয়ে প্ৰাতিভত্ব থাকিলেও শাস্ত্ৰ আদিৰ অপেক্ষা সংবাদৰ (সমৰ্থনৰ) বাবে হ'ব পাৰে; সেয়ে আগমসমূহত নিৰ্ভিত্তি, সভিত্তি আদি বহু-ভেদ আচাৰ্য প্ৰাতিভৰ কোৱা হৈছে। সৰ্বথা প্ৰতিভা-অংশ বলীয়ান, কিয়নো তাৰ সন্নিধিত আনৰ অধিকাৰ নাই।