स चायं शक्तिपातो नवधा तीव्रमध्यमन्दस्य उत्कर्षमाध्यस्थ्यनिकर्षैः पुनस् त्रैविध्यात् तत्र उत्कृष्टतीव्रात् तदैव देहपाते परमेशता मध्यतीव्रात् शास्त्राचार्यानपेक्षिणः स्वप्रत्ययस्य प्रातिभज्ञानोदयः यदुदये बाह्यसंस्कारं विनैव भोगापवर्गप्रदः प्रातिभो गुरुर् इत्य् उच्यते तस्य हि न समय्यादिकल्पना काचित् अत्रापि तारतम्यसद्भावः इच्छावैचित्र्यात् इति सत्य् अपि प्रातिभत्वे शास्त्राद्यपेक्षा संवादाय स्याद् अपि इति निर्भित्तिसभित्त्यादिबहुभेदत्वम् आचार्यस्य प्रातिभस्यागमेषु उक्तम् सर्वथा प्रतिभांशो बलीयान् तत्सन्निधौ अन्येषाम् अनधिकारात्
Transliteration (IAST)
sa cāyaṃ śaktipāto navadhā tīvramadhyamandasya utkarṣamādhyasthyanikarṣaiḥ punas traividhyāt tatra utkṛṣṭatīvrāt tadaiva dehapāte parameśatā madhyatīvrāt śāstrācāryānapekṣiṇaḥ svapratyayasya prātibhajñānodayaḥ yadudaye bāhyasaṃskāraṃ vinaiva bhogāpavargapradaḥ prātibho gurur ity ucyate tasya hi na samayyādikalpanā kācit atrāpi tāratamyasadbhāvaḥ icchāvaicitryāt iti saty api prātibhatve śāstrādyapekṣā saṃvādāya syād api iti nirbhittisabhittyādibahubhedatvam ācāryasya prātibhasyāgameṣu uktam sarvathā pratibhāṃśo balīyān tatsannidhau anyeṣām anadhikārāt
আর এই শক্তিপাত নবধা (নয় প্রকার) — তীব্র, মধ্য ও মন্দের উৎকর্ষ, মাধ্যস্থ্য ও নিকর্ষে পুনঃ ত্রৈবিধ্যে। তন্মধ্যে উৎকৃষ্ট-তীব্র হইতে তখনই দেহপাতে পরমেশতা; মধ্য-তীব্র হইতে শাস্ত্র ও আচার্য-নিরপেক্ষ, স্ব-প্রত্যয়ী ব্যক্তির প্রাতিভ জ্ঞানের উদয়; যাহার উদয়ে বাহ্য সংস্কার ব্যতিরেকেই ভোগ ও অপবর্গ-প্রদ, তিনি প্রাতিভ গুরু বলিয়া উক্ত হন। তাঁহার কোনও সময়াদি (দীক্ষিত-নিয়ম)-কল্পনা নাই। এখানেও তারতম্য-সদ্ভাব, ইচ্ছা-বৈচিত্র্যের কারণে — অতএব প্রাতিভত্ব থাকিলেও শাস্ত্রাদির অপেক্ষা সংবাদের (সমর্থনের) জন্য থাকিতে পারে। অতএব নির্ভিত্তি, সভিত্তি প্রভৃতি বহু-ভেদে আচার্যের প্রাতিভত্ব আগমে উক্ত। সর্বথা প্রতিভা-অংশ বলীয়ান্, কারণ তাহার সান্নিধ্যে অন্যদের অধিকার নাই।