स चायं शक्तिपातो नवधा तीव्रमध्यमन्दस्य उत्कर्षमाध्यस्थ्यनिकर्षैः पुनस् त्रैविध्यात् तत्र उत्कृष्टतीव्रात् तदैव देहपाते परमेशता मध्यतीव्रात् शास्त्राचार्यानपेक्षिणः स्वप्रत्ययस्य प्रातिभज्ञानोदयः यदुदये बाह्यसंस्कारं विनैव भोगापवर्गप्रदः प्रातिभो गुरुर् इत्य् उच्यते तस्य हि न समय्यादिकल्पना काचित् अत्रापि तारतम्यसद्भावः इच्छावैचित्र्यात् इति सत्य् अपि प्रातिभत्वे शास्त्राद्यपेक्षा संवादाय स्याद् अपि इति निर्भित्तिसभित्त्यादिबहुभेदत्वम् आचार्यस्य प्रातिभस्यागमेषु उक्तम् सर्वथा प्रतिभांशो बलीयान् तत्सन्निधौ अन्येषाम् अनधिकारात्
Transliteration (IAST)
sa cāyaṃ śaktipāto navadhā tīvramadhyamandasya utkarṣamādhyasthyanikarṣaiḥ punas traividhyāt tatra utkṛṣṭatīvrāt tadaiva dehapāte parameśatā madhyatīvrāt śāstrācāryānapekṣiṇaḥ svapratyayasya prātibhajñānodayaḥ yadudaye bāhyasaṃskāraṃ vinaiva bhogāpavargapradaḥ prātibho gurur ity ucyate tasya hi na samayyādikalpanā kācit atrāpi tāratamyasadbhāvaḥ icchāvaicitryāt iti saty api prātibhatve śāstrādyapekṣā saṃvādāya syād api iti nirbhittisabhittyādibahubhedatvam ācāryasya prātibhasyāgameṣu uktam sarvathā pratibhāṃśo balīyān tatsannidhau anyeṣām anadhikārāt
और यह शक्तिपात नौ प्रकार का है, क्योंकि तीव्र, मध्य एवं मन्द में से प्रत्येक पुनः उत्कर्ष, माध्यस्थ्य एवं निकर्ष से त्रिविध है। उनमें उत्कृष्ट-तीव्र से उसी क्षण देह-पात में परमेशता (होती है)। मध्य-तीव्र से शास्त्र-आचार्य की अपेक्षा न रखने वाले, स्व-प्रत्यय वाले को प्रातिभ-ज्ञान का उदय (होता है), जिसके उदय होने पर बाह्य संस्कार के बिना ही भोग-अपवर्ग-प्रद 'प्रातिभ गुरु' कहलाता है। उसके लिए समय (नियम) आदि की कोई कल्पना नहीं। यहाँ भी इच्छा की विचित्रता से तरतमता का सद्भाव है, अतः प्रातिभत्व होने पर भी शास्त्र आदि की अपेक्षा संवाद के लिए हो भी सकती है। इस प्रकार आगमों में आचार्य का निर्भित्ति, सभित्ति आदि बहु-भेदत्व कहा गया। सर्वथा प्रतिभा-अंश बलीयान् (अधिक प्रबल) है, क्योंकि उसकी सन्निधि में अन्यों का अनधिकार है।