इह ज्ञानं मोक्षकारणं बन्धनिमित्तस्य अज्ञानस्य विरोधकत्वात् द्विविधं च अज्ञानं बुद्धिगतं पौरुषं च तत्र बुद्धिगतम् अनिश्चयस्वभावं विपरीतनिश्चयात्मकं च । पौरुषं तु विकल्पस्वभावं सङ्कुचितप्रथात्मकं तद् एव च मूलकारणं संसारस्य इति वक्ष्यामो मलनिर्णये । तत्र पौरुषम् अज्ञानं दीक्षादिना निवर्तेतापि किं तु दीक्षापि बुद्धिगते अनध्यवसायात्मके अज्ञाने सति न सम्भवति हेयोपादेयनिश्चयपूर्वकत्वात् तत्त्वशुद्धिशिवयोजनारूपाया दीक्षाया इति । तत्र अध्यवसायात्मकं बुद्धिनिष्ठम् एव ज्ञानं प्रधानम् तद् एव च अभ्यस्यमानं पौरुषम् अपि अज्ञानं निहन्ति विकल्पसंविदभ्यासस्य अविकल्पान्ततापर्यवसानात् । विकल्पासङ्कुचितसंवित्प्रकाशरूपो ह्य् आत्मा शिवस्वभाव इति सर्वथा समस्तवस्तुनिष्ठं सम्यङ्निश्चयात्मकं ज्ञानम् उपादेयम् । तच् च शास्त्रपूर्वकम् । शास्त्रं च परमेश्वरभाषितम् एव प्रमाणम् । अपरशास्त्रोक्तानाम् अर्थानां तत्र वैविक्त्येन अभ्युपगमात् तदर्थातिरिक्तयुक्तिसिद्धनिरूपणाच् च तेन अपरागमोक्तं ज्ञानं तावत एव बन्धात् विमोचकम् न सर्वस्मात् सर्वस्मात् तु विमोचकं परमेश्वरशास्त्रं पञ्चस्रोतोमयं दशाष्टादशवस्वष्टभेदभिन्नम् । ततो ऽपि सर्वस्मात् सारं षडर्धशास्त्राणि । तेभ्यो ऽपि मालिनीविजयम् । तदन्तर्गतश् चार्थः सङ्कलय्याशक्यो निरूपयितुम् । न च अनिरूपितवस्तुतत्त्वस्य मुक्तत्वं मोचकत्वं वा शुद्धस्य ज्ञानस्यैव तथारूपत्वात् इति । स्वभ्यस्तज्ञानमूलत्वात् परपुरुषार्थस्य तत्सिद्धये इदम् आरभ्यते । अज्ञानं किल बन्धहेतुर् उदितः शास्त्रे मलं तत् स्मृतं पूर्णज्ञानकलोदये तद् अखिलं निर्मूलतां गच्छति । ध्वस्ताशेषमलात्मसंविदुदये मोक्षश् च तेनामुना शास्त्रेण प्रकटीकरोमि निखिलं यज् ज्ञेयतत्त्वं भवेत्
Transliteration (IAST)
iha jñānaṃ mokṣakāraṇaṃ bandhanimittasya ajñānasya virodhakatvāt dvividhaṃ ca ajñānaṃ buddhigataṃ pauruṣaṃ ca tatra buddhigatam aniścayasvabhāvaṃ viparītaniścayātmakaṃ ca | pauruṣaṃ tu vikalpasvabhāvaṃ saṅkucitaprathātmakaṃ tad eva ca mūlakāraṇaṃ saṃsārasya iti vakṣyāmo malanirṇaye | tatra pauruṣam ajñānaṃ dīkṣādinā nivartetāpi kiṃ tu dīkṣāpi buddhigate anadhyavasāyātmake ajñāne sati na sambhavati heyopādeyaniścayapūrvakatvāt tattvaśuddhiśivayojanārūpāyā dīkṣāyā iti | tatra adhyavasāyātmakaṃ buddhiniṣṭham eva jñānaṃ pradhānam tad eva ca abhyasyamānaṃ pauruṣam api ajñānaṃ nihanti vikalpasaṃvidabhyāsasya avikalpāntatāparyavasānāt | vikalpāsaṅkucitasaṃvitprakāśarūpo hy ātmā śivasvabhāva iti sarvathā samastavastuniṣṭhaṃ samyaṅniścayātmakaṃ jñānam upādeyam | tac ca śāstrapūrvakam | śāstraṃ ca parameśvarabhāṣitam eva pramāṇam | aparaśāstroktānām arthānāṃ tatra vaiviktyena abhyupagamāt tadarthātiriktayuktisiddhanirūpaṇāc ca tena aparāgamoktaṃ jñānaṃ tāvata eva bandhāt vimocakam na sarvasmāt sarvasmāt tu vimocakaṃ parameśvaraśāstraṃ pañcasrotomayaṃ daśāṣṭādaśavasvaṣṭabhedabhinnam | tato 'pi sarvasmāt sāraṃ ṣaḍardhaśāstrāṇi | tebhyo 'pi mālinīvijayam | tadantargataś cārthaḥ saṅkalayyāśakyo nirūpayitum | na ca anirūpitavastutattvasya muktatvaṃ mocakatvaṃ vā śuddhasya jñānasyaiva tathārūpatvāt iti | svabhyastajñānamūlatvāt parapuruṣārthasya tatsiddhaye idam ārabhyate | ajñānaṃ kila bandhahetur uditaḥ śāstre malaṃ tat smṛtaṃ pūrṇajñānakalodaye tad akhilaṃ nirmūlatāṃ gacchati | dhvastāśeṣamalātmasaṃvidudaye mokṣaś ca tenāmunā śāstreṇa prakaṭīkaromi nikhilaṃ yaj jñeyatattvaṃ bhavet
ഇവിടെ ജ്ഞാനമാണ് മോക്ഷത്തിന്റെ കാരണം, എന്തെന്നാൽ ബന്ധനത്തിന്റെ നിമിത്തമായ അജ്ഞാനത്തെ അത് വിരോധിക്കുന്നു. അജ്ഞാനം രണ്ടുവിധമാണ് — ബുദ്ധിഗതവും പൗരുഷവും. അവയിൽ ബുദ്ധിഗതമായത് അനിശ്ചയസ്വഭാവവും വിപരീതനിശ്ചയാത്മകവുമാകുന്നു. പൗരുഷമാകട്ടെ വികൽപസ്വഭാവവും സങ്കുചിതപ്രഥാത്മകവുമാണ്; അതുതന്നെ സംസാരത്തിന്റെ മൂലകാരണമെന്ന് മലനിർണ്ണയത്തിൽ ഞങ്ങൾ പറയും. അവിടെ പൗരുഷമായ അജ്ഞാനം ദീക്ഷ മുതലായവയാൽ നീങ്ങിയേക്കാം; എന്നാൽ ദീക്ഷപോലും ബുദ്ധിഗതമായ അനധ്യവസായാത്മക അജ്ഞാനം നിലനിൽക്കുമ്പോൾ സംഭവിക്കുകയില്ല, എന്തെന്നാൽ തത്ത്വശുദ്ധിയും ശിവയോജനയും രൂപമായ ദീക്ഷ ഹേയോപാദേയനിശ്ചയത്തെ മുൻനിറുത്തിയാണ് നടക്കുന്നത്. അവിടെ അധ്യവസായാത്മകവും ബുദ്ധിനിഷ്ഠവുമായ ജ്ഞാനംതന്നെ പ്രധാനം; അതുതന്നെ അഭ്യസിക്കപ്പെടുമ്പോൾ പൗരുഷമായ അജ്ഞാനത്തെയും നിഹനിക്കുന്നു, എന്തെന്നാൽ വികൽപസംവിത്തിന്റെ അഭ്യാസം അവികൽപത്തിൽ പര്യവസാനിക്കുന്നു. വികൽപമില്ലാത്ത, അസങ്കുചിതമായ സംവിത്പ്രകാശരൂപനായ ആത്മാവ് ശിവസ്വഭാവനാകുന്നു — ഇപ്രകാരം സർവഥാ സമസ്തവസ്തുനിഷ്ഠവും സമ്യങ്നിശ്ചയാത്മകവുമായ ജ്ഞാനം ഉപാദേയമാണ്. അത് ശാസ്ത്രപൂർവകമാണ്. ശാസ്ത്രമാകട്ടെ പരമേശ്വരൻ ഭാഷിച്ചതുമാത്രമാണ് പ്രമാണം. അപരശാസ്ത്രങ്ങളിൽ പറയപ്പെട്ട അർഥങ്ങൾ അവിടെ വൈവിക്ത്യത്തോടെ അംഗീകരിക്കപ്പെടുന്നതിനാലും, ആ അർഥങ്ങൾക്കതീതമായവ യുക്തിസിദ്ധമായി നിരൂപിക്കപ്പെടുന്നതിനാലും, അപരാഗമത്തിൽ പറയപ്പെട്ട ജ്ഞാനം ആ അളവിലുള്ള ബന്ധത്തിൽനിന്നുമാത്രം മോചിപ്പിക്കുന്നു, സർവത്തിൽനിന്നുമല്ല. എന്നാൽ സർവത്തിൽനിന്നും മോചിപ്പിക്കുന്നത് അഞ്ചു സ്രോതസ്സുകൾ ഉൾക്കൊള്ളുന്നതും പത്ത്-പതിനെട്ട്-എട്ട് ഭേദങ്ങളാൽ ഭിന്നവുമായ പരമേശ്വരശാസ്ത്രമാണ്. അതിലുംവെച്ച് സർവത്തിന്റെയും സാരം ഷഡർധശാസ്ത്രങ്ങൾ (ത്രികശാസ്ത്രങ്ങൾ) ആകുന്നു. അവയിലുംവെച്ച് മാലിനീവിജയം. അതിൽ അന്തർഭവിച്ച അർഥം മുഴുവൻ സങ്കലനംചെയ്ത് നിരൂപിക്കാൻ അശക്യമാണ്. നിരൂപിക്കപ്പെടാത്ത വസ്തുതത്ത്വമുള്ളവന് മുക്തത്വമോ മോചകത്വമോ ഇല്ല, എന്തെന്നാൽ ശുദ്ധമായ ജ്ഞാനത്തിനുമാത്രമേ ആ രൂപമുള്ളൂ. നന്നായി അഭ്യസിക്കപ്പെട്ട ജ്ഞാനമാണ് പരമപുരുഷാർഥത്തിന്റെ മൂലം എന്നതിനാൽ, അതിന്റെ സിദ്ധിക്കായി ഇത് ആരംഭിക്കപ്പെടുന്നു. അജ്ഞാനംതന്നെ ബന്ധഹേതുവെന്ന് ശാസ്ത്രത്തിൽ ഉദിതമായി; അതാണ് മലമെന്നു സ്മരിക്കപ്പെടുന്നു. പൂർണ്ണജ്ഞാനകലയുടെ ഉദയത്തിൽ അത് മുഴുവൻ നിർമൂലമായിത്തീരുന്നു. അശേഷമലം ധ്വംസിക്കപ്പെട്ട ആത്മസംവിത്തിന്റെ ഉദയത്തിലാണ് മോക്ഷം. അതിനാൽ ഈ ശാസ്ത്രത്താൽ ജ്ഞേയതത്ത്വം മുഴുവൻ ഞാൻ പ്രകടമാക്കുന്നു.