इह ज्ञानं मोक्षकारणं बन्धनिमित्तस्य अज्ञानस्य विरोधकत्वात् द्विविधं च अज्ञानं बुद्धिगतं पौरुषं च तत्र बुद्धिगतम् अनिश्चयस्वभावं विपरीतनिश्चयात्मकं च । पौरुषं तु विकल्पस्वभावं सङ्कुचितप्रथात्मकं तद् एव च मूलकारणं संसारस्य इति वक्ष्यामो मलनिर्णये । तत्र पौरुषम् अज्ञानं दीक्षादिना निवर्तेतापि किं तु दीक्षापि बुद्धिगते अनध्यवसायात्मके अज्ञाने सति न सम्भवति हेयोपादेयनिश्चयपूर्वकत्वात् तत्त्वशुद्धिशिवयोजनारूपाया दीक्षाया इति । तत्र अध्यवसायात्मकं बुद्धिनिष्ठम् एव ज्ञानं प्रधानम् तद् एव च अभ्यस्यमानं पौरुषम् अपि अज्ञानं निहन्ति विकल्पसंविदभ्यासस्य अविकल्पान्ततापर्यवसानात् । विकल्पासङ्कुचितसंवित्प्रकाशरूपो ह्य् आत्मा शिवस्वभाव इति सर्वथा समस्तवस्तुनिष्ठं सम्यङ्निश्चयात्मकं ज्ञानम् उपादेयम् । तच् च शास्त्रपूर्वकम् । शास्त्रं च परमेश्वरभाषितम् एव प्रमाणम् । अपरशास्त्रोक्तानाम् अर्थानां तत्र वैविक्त्येन अभ्युपगमात् तदर्थातिरिक्तयुक्तिसिद्धनिरूपणाच् च तेन अपरागमोक्तं ज्ञानं तावत एव बन्धात् विमोचकम् न सर्वस्मात् सर्वस्मात् तु विमोचकं परमेश्वरशास्त्रं पञ्चस्रोतोमयं दशाष्टादशवस्वष्टभेदभिन्नम् । ततो ऽपि सर्वस्मात् सारं षडर्धशास्त्राणि । तेभ्यो ऽपि मालिनीविजयम् । तदन्तर्गतश् चार्थः सङ्कलय्याशक्यो निरूपयितुम् । न च अनिरूपितवस्तुतत्त्वस्य मुक्तत्वं मोचकत्वं वा शुद्धस्य ज्ञानस्यैव तथारूपत्वात् इति । स्वभ्यस्तज्ञानमूलत्वात् परपुरुषार्थस्य तत्सिद्धये इदम् आरभ्यते । अज्ञानं किल बन्धहेतुर् उदितः शास्त्रे मलं तत् स्मृतं पूर्णज्ञानकलोदये तद् अखिलं निर्मूलतां गच्छति । ध्वस्ताशेषमलात्मसंविदुदये मोक्षश् च तेनामुना शास्त्रेण प्रकटीकरोमि निखिलं यज् ज्ञेयतत्त्वं भवेत्
Transliteration (IAST)
iha jñānaṃ mokṣakāraṇaṃ bandhanimittasya ajñānasya virodhakatvāt dvividhaṃ ca ajñānaṃ buddhigataṃ pauruṣaṃ ca tatra buddhigatam aniścayasvabhāvaṃ viparītaniścayātmakaṃ ca | pauruṣaṃ tu vikalpasvabhāvaṃ saṅkucitaprathātmakaṃ tad eva ca mūlakāraṇaṃ saṃsārasya iti vakṣyāmo malanirṇaye | tatra pauruṣam ajñānaṃ dīkṣādinā nivartetāpi kiṃ tu dīkṣāpi buddhigate anadhyavasāyātmake ajñāne sati na sambhavati heyopādeyaniścayapūrvakatvāt tattvaśuddhiśivayojanārūpāyā dīkṣāyā iti | tatra adhyavasāyātmakaṃ buddhiniṣṭham eva jñānaṃ pradhānam tad eva ca abhyasyamānaṃ pauruṣam api ajñānaṃ nihanti vikalpasaṃvidabhyāsasya avikalpāntatāparyavasānāt | vikalpāsaṅkucitasaṃvitprakāśarūpo hy ātmā śivasvabhāva iti sarvathā samastavastuniṣṭhaṃ samyaṅniścayātmakaṃ jñānam upādeyam | tac ca śāstrapūrvakam | śāstraṃ ca parameśvarabhāṣitam eva pramāṇam | aparaśāstroktānām arthānāṃ tatra vaiviktyena abhyupagamāt tadarthātiriktayuktisiddhanirūpaṇāc ca tena aparāgamoktaṃ jñānaṃ tāvata eva bandhāt vimocakam na sarvasmāt sarvasmāt tu vimocakaṃ parameśvaraśāstraṃ pañcasrotomayaṃ daśāṣṭādaśavasvaṣṭabhedabhinnam | tato 'pi sarvasmāt sāraṃ ṣaḍardhaśāstrāṇi | tebhyo 'pi mālinīvijayam | tadantargataś cārthaḥ saṅkalayyāśakyo nirūpayitum | na ca anirūpitavastutattvasya muktatvaṃ mocakatvaṃ vā śuddhasya jñānasyaiva tathārūpatvāt iti | svabhyastajñānamūlatvāt parapuruṣārthasya tatsiddhaye idam ārabhyate | ajñānaṃ kila bandhahetur uditaḥ śāstre malaṃ tat smṛtaṃ pūrṇajñānakalodaye tad akhilaṃ nirmūlatāṃ gacchati | dhvastāśeṣamalātmasaṃvidudaye mokṣaś ca tenāmunā śāstreṇa prakaṭīkaromi nikhilaṃ yaj jñeyatattvaṃ bhavet
इस (शास्त्र) में ज्ञान ही मोक्ष का कारण है, क्योंकि वह बन्ध के निमित्तभूत अज्ञान का विरोधी है। अज्ञान दो प्रकार का है — बौद्ध (बुद्धिगत) और पौरुष। इनमें बुद्धिगत अज्ञान अनिश्चय-स्वभाव वाला अथवा विपरीत-निश्चयात्मक होता है; और पौरुष अज्ञान विकल्प-स्वभाव वाला तथा संकुचित प्रथा (संकुचित प्रकाशन) रूप है, और वही संसार का मूल कारण है — ऐसा हम मलनिर्णय में कहेंगे। वहाँ पौरुष अज्ञान दीक्षा आदि से निवृत्त हो सकता है, किन्तु बुद्धिगत अनध्यवसायात्मक अज्ञान के रहते दीक्षा भी सम्भव नहीं, क्योंकि तत्त्वशुद्धि एवं शिव-योजना-रूप दीक्षा हेय और उपादेय के निश्चयपूर्वक ही होती है। अतः अध्यवसायात्मक, बुद्धि में स्थित ज्ञान ही प्रधान है; और वही अभ्यस्त होने पर पौरुष अज्ञान का भी नाश करता है, क्योंकि विकल्प-संवित् का अभ्यास अन्ततः अविकल्प में परिणत होता है। क्योंकि विकल्प से असंकुचित संवित्-प्रकाश रूप आत्मा शिव-स्वभाव है — इस प्रकार सर्वथा समस्त वस्तुओं में स्थित, सम्यक् निश्चयात्मक ज्ञान ही उपादेय है। और वह शास्त्रपूर्वक होता है। और शास्त्र वही प्रमाण है जो परमेश्वर द्वारा भाषित है। अन्य (अपर) शास्त्रों में कहे गये अर्थ वहाँ पृथक् रूप से (विविक्त भाव से) स्वीकृत होते हैं, तथा उन अर्थों से अतिरिक्त बातें युक्ति से सिद्ध होकर निरूपित होती हैं — इसलिए अपर आगम में कहा गया ज्ञान उतने ही बन्ध से मुक्त करता है, सब से नहीं; किन्तु सब से मुक्त करने वाला परमेश्वर-शास्त्र है, जो पाँच स्रोतों वाला तथा दश, अष्टादश और आठ वसुओं के अष्ट भेदों से विभक्त है। उससे भी सबका सार षडर्ध (त्रिक) शास्त्र हैं; उनमें से भी मालिनीविजय। उसमें अन्तर्गत अर्थ को एकत्र संकलित कर निरूपित करना अशक्य है। और जिसकी वस्तु-तत्त्व निरूपित न हो, उसका न मुक्तत्व है न मोचकत्व, क्योंकि शुद्ध ज्ञान ही उस रूप का होता है। परम पुरुषार्थ सुअभ्यस्त ज्ञान में मूल रखता है, अतः उसकी सिद्धि के लिए यह (ग्रन्थ) आरम्भ किया जाता है। अज्ञान ही बन्ध का हेतु शास्त्र में कहा गया है, वही मल कहलाता है; पूर्ण ज्ञान-कला के उदय होने पर वह समस्त मल निर्मूल हो जाता है। समस्त मल के ध्वस्त हो जाने पर आत्म-संवित् का उदय ही मोक्ष है। इसी शास्त्र के द्वारा मैं उस समस्त ज्ञेय-तत्त्व को प्रकट करता हूँ।