इह ज्ञानं मोक्षकारणं बन्धनिमित्तस्य अज्ञानस्य विरोधकत्वात् द्विविधं च अज्ञानं बुद्धिगतं पौरुषं च तत्र बुद्धिगतम् अनिश्चयस्वभावं विपरीतनिश्चयात्मकं च । पौरुषं तु विकल्पस्वभावं सङ्कुचितप्रथात्मकं तद् एव च मूलकारणं संसारस्य इति वक्ष्यामो मलनिर्णये । तत्र पौरुषम् अज्ञानं दीक्षादिना निवर्तेतापि किं तु दीक्षापि बुद्धिगते अनध्यवसायात्मके अज्ञाने सति न सम्भवति हेयोपादेयनिश्चयपूर्वकत्वात् तत्त्वशुद्धिशिवयोजनारूपाया दीक्षाया इति । तत्र अध्यवसायात्मकं बुद्धिनिष्ठम् एव ज्ञानं प्रधानम् तद् एव च अभ्यस्यमानं पौरुषम् अपि अज्ञानं निहन्ति विकल्पसंविदभ्यासस्य अविकल्पान्ततापर्यवसानात् । विकल्पासङ्कुचितसंवित्प्रकाशरूपो ह्य् आत्मा शिवस्वभाव इति सर्वथा समस्तवस्तुनिष्ठं सम्यङ्निश्चयात्मकं ज्ञानम् उपादेयम् । तच् च शास्त्रपूर्वकम् । शास्त्रं च परमेश्वरभाषितम् एव प्रमाणम् । अपरशास्त्रोक्तानाम् अर्थानां तत्र वैविक्त्येन अभ्युपगमात् तदर्थातिरिक्तयुक्तिसिद्धनिरूपणाच् च तेन अपरागमोक्तं ज्ञानं तावत एव बन्धात् विमोचकम् न सर्वस्मात् सर्वस्मात् तु विमोचकं परमेश्वरशास्त्रं पञ्चस्रोतोमयं दशाष्टादशवस्वष्टभेदभिन्नम् । ततो ऽपि सर्वस्मात् सारं षडर्धशास्त्राणि । तेभ्यो ऽपि मालिनीविजयम् । तदन्तर्गतश् चार्थः सङ्कलय्याशक्यो निरूपयितुम् । न च अनिरूपितवस्तुतत्त्वस्य मुक्तत्वं मोचकत्वं वा शुद्धस्य ज्ञानस्यैव तथारूपत्वात् इति । स्वभ्यस्तज्ञानमूलत्वात् परपुरुषार्थस्य तत्सिद्धये इदम् आरभ्यते । अज्ञानं किल बन्धहेतुर् उदितः शास्त्रे मलं तत् स्मृतं पूर्णज्ञानकलोदये तद् अखिलं निर्मूलतां गच्छति । ध्वस्ताशेषमलात्मसंविदुदये मोक्षश् च तेनामुना शास्त्रेण प्रकटीकरोमि निखिलं यज् ज्ञेयतत्त्वं भवेत्
Transliteration (IAST)
iha jñānaṃ mokṣakāraṇaṃ bandhanimittasya ajñānasya virodhakatvāt dvividhaṃ ca ajñānaṃ buddhigataṃ pauruṣaṃ ca tatra buddhigatam aniścayasvabhāvaṃ viparītaniścayātmakaṃ ca | pauruṣaṃ tu vikalpasvabhāvaṃ saṅkucitaprathātmakaṃ tad eva ca mūlakāraṇaṃ saṃsārasya iti vakṣyāmo malanirṇaye | tatra pauruṣam ajñānaṃ dīkṣādinā nivartetāpi kiṃ tu dīkṣāpi buddhigate anadhyavasāyātmake ajñāne sati na sambhavati heyopādeyaniścayapūrvakatvāt tattvaśuddhiśivayojanārūpāyā dīkṣāyā iti | tatra adhyavasāyātmakaṃ buddhiniṣṭham eva jñānaṃ pradhānam tad eva ca abhyasyamānaṃ pauruṣam api ajñānaṃ nihanti vikalpasaṃvidabhyāsasya avikalpāntatāparyavasānāt | vikalpāsaṅkucitasaṃvitprakāśarūpo hy ātmā śivasvabhāva iti sarvathā samastavastuniṣṭhaṃ samyaṅniścayātmakaṃ jñānam upādeyam | tac ca śāstrapūrvakam | śāstraṃ ca parameśvarabhāṣitam eva pramāṇam | aparaśāstroktānām arthānāṃ tatra vaiviktyena abhyupagamāt tadarthātiriktayuktisiddhanirūpaṇāc ca tena aparāgamoktaṃ jñānaṃ tāvata eva bandhāt vimocakam na sarvasmāt sarvasmāt tu vimocakaṃ parameśvaraśāstraṃ pañcasrotomayaṃ daśāṣṭādaśavasvaṣṭabhedabhinnam | tato 'pi sarvasmāt sāraṃ ṣaḍardhaśāstrāṇi | tebhyo 'pi mālinīvijayam | tadantargataś cārthaḥ saṅkalayyāśakyo nirūpayitum | na ca anirūpitavastutattvasya muktatvaṃ mocakatvaṃ vā śuddhasya jñānasyaiva tathārūpatvāt iti | svabhyastajñānamūlatvāt parapuruṣārthasya tatsiddhaye idam ārabhyate | ajñānaṃ kila bandhahetur uditaḥ śāstre malaṃ tat smṛtaṃ pūrṇajñānakalodaye tad akhilaṃ nirmūlatāṃ gacchati | dhvastāśeṣamalātmasaṃvidudaye mokṣaś ca tenāmunā śāstreṇa prakaṭīkaromi nikhilaṃ yaj jñeyatattvaṃ bhavet
এই (শাস্ত্রে) জ্ঞানই মোক্ষের কারণ, কারণ বন্ধনের নিমিত্ত যে অজ্ঞান, জ্ঞান তাহার বিরোধী। আর অজ্ঞান দ্বিবিধ — বুদ্ধিগত ও পৌরুষ। তন্মধ্যে বুদ্ধিগত অজ্ঞান অনিশ্চয-স্বভাব অথবা বিপরীত-নিশ্চয়াত্মক; পৌরুষ অজ্ঞান তো বিকল্প-স্বভাব, সঙ্কুচিত প্রথা-আত্মক, এবং ইহাই সংসারের মূলকারণ — ইহা আমরা মলনির্ণয়-প্রকরণে বলিব। সেখানে পৌরুষ অজ্ঞান দীক্ষাদির দ্বারা নিবৃত্ত হইলেও, বুদ্ধিগত অনধ্যবসায়াত্মক অজ্ঞান থাকিতে দীক্ষাও সম্ভব হয় না; কারণ তত্ত্বশুদ্ধি ও শিবযোজনারূপা দীক্ষা হেয় ও উপাদেয়ের নিশ্চয়পূর্বক হয়। অতএব অধ্যবসায়াত্মক, বুদ্ধিনিষ্ঠ জ্ঞানই প্রধান; এবং এই জ্ঞানই অভ্যস্ত হইলে পৌরুষ অজ্ঞানকেও নিহত করে, কারণ বিকল্প-সংবিতের অভ্যাস অবিকল্পে পর্যবসিত হয়। যেহেতু বিকল্পে অসঙ্কুচিত যে সংবিৎ-প্রকাশ, তাহাই আত্মা, এবং তাহা শিবস্বভাব — অতএব সর্বথা সমস্ত বস্তুনিষ্ঠ, সম্যক্-নিশ্চয়াত্মক জ্ঞানই উপাদেয়। আর সেই (জ্ঞান) শাস্ত্রপূর্বক। শাস্ত্রও পরমেশ্বর-ভাষিতই প্রমাণ। অপর শাস্ত্রে উক্ত অর্থসমূহ সেখানে (পরমেশ্বর-শাস্ত্রে) বিবিক্তভাবে স্বীকৃত হয়, এবং সেই অর্থ অপেক্ষা অধিক যাহা তাহা যুক্তিসিদ্ধরূপে নিরূপিত হয়; এই কারণে অপর আগমোক্ত জ্ঞান কেবল ততটুকু বন্ধন হইতেই মোচক, সর্ব হইতে নহে। কিন্তু সর্ব হইতে মোচক পরমেশ্বর-শাস্ত্র, যাহা পঞ্চস্রোতোময় এবং দশ, অষ্টাদশ ও অষ্ট-বসুর ভেদে বিভক্ত। তাহাদেরও সকল হইতে সারভূত ষডর্ধ (ত্রিক) শাস্ত্র; এবং তাহাদের অপেক্ষাও সারভূত মালিনীবিজয়। তাহার অন্তর্গত অর্থ একত্র সঙ্কলন করিয়া নিরূপণ করা অশক্য। আর যাহার বস্তুতত্ত্ব নিরূপিত হয় নাই, তাহার মুক্তত্ব বা মোচকত্ব নাই, কারণ শুদ্ধ জ্ঞানেরই সেইরূপ স্বভাব। যেহেতু পরম পুরুষার্থ সুঅভ্যস্ত জ্ঞানমূলক, তাহার সিদ্ধির নিমিত্ত এই (গ্রন্থ) আরব্ধ হইতেছে। শাস্ত্রে কথিত হইয়াছে — অজ্ঞানই বন্ধের হেতু, তাহাই মল বলিয়া স্মৃত; পূর্ণ জ্ঞানের কলা উদিত হইলে সেই (মল) সমস্তই নির্মূল হইয়া যায়। সমস্ত মল ধ্বস্ত হইয়া আত্ম-সংবিৎ উদিত হইলেই মোক্ষ; সেই এই শাস্ত্রের দ্বারা আমি সমস্ত জ্ঞেয় তত্ত্ব প্রকট করিতেছি।