सर्वे हि हेयम् एव उपादेयभूमिरूपं विष्णुतः प्रभृति शिवान्तं परमशिवतया पश्यन्ति तच् च मिथ्यादर्शनम् अवश्यत्याज्यम् अनुत्तरयोगिभिर् इति तदर्थम् एव विद्याधिपतेः अनुभवस्तोत्रे महान् संरम्भः एवंविधे यागादौ योगान्ते च पञ्चके प्रत्येकं बहुप्रकारं निरूढिः यथा यथा भवति तथैव आचरेत् न तु भक्ष्याभक्ष्यशुद्ध्यशुद्ध्यादिविवेचनया वस्तुधर्मोज्झितया कल्पनामात्रसारया स्वात्मा खेदनीय इति उक्तं श्रीपूर्वादौ न हि शुद्धिः वस्तुनो रूपं नीलत्ववत् अन्यत्र तस्यैव अशुद्धिचोदनात् दानस्येव दीक्षितत्वे चोदनातः तस्य तत् तत्र अशुद्धम् इति चेत् चोदनान्तरे ऽपि तुल्यं चोदनान्तरम् असत् तद्बाधितत्वात् इति चेत् न शिवचोदनाया एव बाधकत्वं युक्तिसिद्धं सर्वज्ञानोत्तराद्यनन्तागमसिद्धं च इति वक्ष्यामः
Transliteration (IAST)
sarve hi heyam eva upādeyabhūmirūpaṃ viṣṇutaḥ prabhṛti śivāntaṃ paramaśivatayā paśyanti tac ca mithyādarśanam avaśyatyājyam anuttarayogibhir iti tadartham eva vidyādhipateḥ anubhavastotre mahān saṃrambhaḥ evaṃvidhe yāgādau yogānte ca pañcake pratyekaṃ bahuprakāraṃ nirūḍhiḥ yathā yathā bhavati tathaiva ācaret na tu bhakṣyābhakṣyaśuddhyaśuddhyādivivecanayā vastudharmojjhitayā kalpanāmātrasārayā svātmā khedanīya iti uktaṃ śrīpūrvādau na hi śuddhiḥ vastuno rūpaṃ nīlatvavat anyatra tasyaiva aśuddhicodanāt dānasyeva dīkṣitatve codanātaḥ tasya tat tatra aśuddham iti cet codanāntare 'pi tulyaṃ codanāntaram asat tadbādhitatvāt iti cet na śivacodanāyā eva bādhakatvaṃ yuktisiddhaṃ sarvajñānottarādyanantāgamasiddhaṃ ca iti vakṣyāmaḥ
എല്ലാവരും — വിഷ്ണുമുതൽ ശിവംവരെ — ഉപാദേയഭൂമിയായ ഹേയത്തെത്തന്നെ പരമശിവമായി ദർശിക്കുന്നു; ആ മിഥ്യാദർശനം അനുത്തരയോഗികളാൽ അവശ്യം ത്യജിക്കപ്പെടേണ്ടതാണ്. അതിനായിത്തന്നെ വിദ്യാധിപതിയുടെ അനുഭവസ്തോത്രത്തിൽ വലിയ സംരംഭമുണ്ട്. ഇത്തരത്തിലുള്ള യാഗാദിയിലും യോഗാന്തമായ പഞ്ചകത്തിലും ഓരോന്നിലും പലവിധത്തിലുള്ള രൂഢി എങ്ങനെയെങ്ങനെയുണ്ടാകുന്നുവോ അങ്ങനെതന്നെ ആചരിക്കണം. എന്നാൽ ഭക്ഷ്യാഭക്ഷ്യ-ശുദ്ധ്യശുദ്ധ്യാദിവിവേചനയാൽ — വസ്തുധർമത്തെ ഉപേക്ഷിച്ച, കൽപനാമാത്രസാരമായ — സ്വാത്മാവിനെ ഖേദിപ്പിക്കരുത് എന്നു ശ്രീപൂർവം മുതലായവയിൽ പറയപ്പെട്ടു. ശുദ്ധി വസ്തുവിന്റെ രൂപമല്ല, നീലത്വംപോലെ; എന്തെന്നാൽ മറ്റൊരിടത്ത് അതിന്റെതന്നെ അശുദ്ധിയും വിധിക്കപ്പെടുന്നു — ദാനത്തിന് ദീക്ഷിതത്വത്തിൽ വിധിയുള്ളതുപോലെ. 'അത് അവിടെ അശുദ്ധമാണ്' എന്നു പറഞ്ഞാൽ, മറ്റൊരു വിധിയിലും തുല്യമാണ്; 'മറ്റേ വിധി അസത്താണ്, അത് ബാധിക്കപ്പെട്ടതിനാൽ' എന്നു പറഞ്ഞാൽ — അല്ല; ശിവവിധിക്കുമാത്രമേ ബാധകത്വം യുക്തിസിദ്ധവും സർവജ്ഞാനോത്തരാദി അനന്താഗമസിദ്ധവുമാണ് എന്നു ഞങ്ങൾ പറയും.