तत्र समस्त एव अयं मूर्तिवैचित्र्याभासनशक्तिजो देशाध्वा संविदि विश्रान्तः तद्द्वारेण शून्ये बुद्धौ प्राणे नाडीचक्रानुचक्रेषु बहिः शरीरे यावल् लिङ्गस्थण्डिलप्रतिमादौ समस्तो ऽध्वा परिनिष्ठितः तं समस्तम् अध्वानं देहे विलाप्य देहं च प्राणे तं धियि तां शून्ये तत्संवेदने निर्भरपरिपूर्णसंवित् सम्पद्यते षट्त्रिंशत्तत्त्वस्वरूपज्ञः तदुत्तीर्णां संविदं परमशिवरूपां पश्यन् विश्वमयीम् अपि संवेदयेत अपरथा वेद्यभागम् एव कञ्चित् परत्वेन गृह्णीयान् मायागर्भाधिकारिणं विष्णुब्रह्मादिकं वा तस्माद् अवश्यं प्रक्रियाज्ञानपरेण भवितव्यम्
Transliteration (IAST)
tatra samasta eva ayaṃ mūrtivaicitryābhāsanaśaktijo deśādhvā saṃvidi viśrāntaḥ taddvāreṇa śūnye buddhau prāṇe nāḍīcakrānucakreṣu bahiḥ śarīre yāval liṅgasthaṇḍilapratimādau samasto 'dhvā pariniṣṭhitaḥ taṃ samastam adhvānaṃ dehe vilāpya dehaṃ ca prāṇe taṃ dhiyi tāṃ śūnye tatsaṃvedane nirbharaparipūrṇasaṃvit sampadyate ṣaṭtriṃśattattvasvarūpajñaḥ taduttīrṇāṃ saṃvidaṃ paramaśivarūpāṃ paśyan viśvamayīm api saṃvedayeta aparathā vedyabhāgam eva kañcit paratvena gṛhṇīyān māyāgarbhādhikāriṇaṃ viṣṇubrahmādikaṃ vā tasmād avaśyaṃ prakriyājñānapareṇa bhavitavyam
अब यह समस्त ही मूर्ति-वैचित्र्य के आभासन की शक्ति से उत्पन्न देश-अध्वा संवित् में विश्रान्त है। उसी के द्वारा शून्य में, बुद्धि में, प्राण में, नाड़ी-चक्र-अनुचक्रों में, बाहर शरीर में, तथा लिङ्ग, स्थण्डिल, प्रतिमा आदि-पर्यन्त समस्त अध्वा परिनिष्ठित (पूर्ण-स्थित) है। उस समस्त अध्वा को देह में विलीन कर के, देह को प्राण में, उसे बुद्धि में, उसे शून्य में, और उसे उसके संवेदन में (विलीन कर के) — (साधक) निर्भर-परिपूर्ण संवित् बन जाता है, छत्तीस तत्त्वों के स्वरूप का ज्ञाता (हो जाता है)। उनसे उत्तीर्ण, परमशिव-रूप संवित् को देखता हुआ उसे विश्वमयी रूप में भी संवेदित करे। अन्यथा वह वेद्य-भाग के किसी अंश को ही — माया-गर्भ के अधिकारी को अथवा विष्णु, ब्रह्मा आदि को — परत्व (श्रेष्ठता) रूप में ग्रहण कर लेगा। अतः अवश्य ही प्रक्रिया-ज्ञान में तत्पर होना चाहिए।