तन् नाभ्युत्थितं तन्मूर्धरन्ध्रत्रयनिर्गतं नादान्तर्वर्तिशक्तिव्यापिनीसमनारूपमरात्रयं द्विषट्कान्तं तदुपरि शुद्धपद्मत्रयम् औन्मनसम् एतस्मिन् विश्वमये भेदे आसनीकृते अधिष्ठातृतया व्यापकभावेन आधेयभूतां यथाभिमतां देवतां कल्पयित्वा यत् तत्रैव समस्वभावनिर्भरात्मनि विश्वभावार्पणं तद् एव पूजनं यद् एव तन्मयीभवनं तद् ध्यानं यत् तथाविधान्तःपरामर्शसद्भावनादान्दोलनं स जपः यत् तथाविधपरामर्शक्रमप्रबुद्धमहातेजसा तथाबलाद् एव विश्वात्मीकरणं स होमः तद् एवं कृत्वा परिवारं तत एव वह्निराशेर् विस्फुलिङ्गवत् ध्यात्वा तथैव पूजयेत्
Transliteration (IAST)
tan nābhyutthitaṃ tanmūrdharandhratrayanirgataṃ nādāntarvartiśaktivyāpinīsamanārūpamarātrayaṃ dviṣaṭkāntaṃ tadupari śuddhapadmatrayam aunmanasam etasmin viśvamaye bhede āsanīkṛte adhiṣṭhātṛtayā vyāpakabhāvena ādheyabhūtāṃ yathābhimatāṃ devatāṃ kalpayitvā yat tatraiva samasvabhāvanirbharātmani viśvabhāvārpaṇaṃ tad eva pūjanaṃ yad eva tanmayībhavanaṃ tad dhyānaṃ yat tathāvidhāntaḥparāmarśasadbhāvanādāndolanaṃ sa japaḥ yat tathāvidhaparāmarśakramaprabuddhamahātejasā tathābalād eva viśvātmīkaraṇaṃ sa homaḥ tad evaṃ kṛtvā parivāraṃ tata eva vahnirāśer visphuliṅgavat dhyātvā tathaiva pūjayet
तो (शूल) नाभीपासून उत्थित झालेला, त्याच्या मूर्धेच्या तीन रन्ध्रांतून निघालेला, नादाच्या आत वर्तणाऱ्या शक्ती, व्यापिनी व समना या रूपांचे अरात्रय (तीन टोके) असलेला, द्विषट्क (द्वादशान्त) पर्यंत (पोहोचलेला); त्याच्यावर औन्मनस अशी तीन शुद्ध पद्मे. या विश्वमय भेदाला आसन बनवून, अधिष्ठातृत्वाने व्यापक भावाने, आधेय अशा यथाभिमत देवतेची कल्पना करून, तेथेच समस्वभावाने निर्भर अशा (देवते)मध्ये जे विश्वभावांचे अर्पण ते म्हणजे पूजन; जे त्यात तन्मय होणे ते ध्यान; तशा प्रकारच्या अंतःपरामर्शाच्या सद्भावनेमध्ये जे आंदोलन ते जप; तशा प्रकारच्या परामर्शक्रमाने प्रबुद्ध झालेल्या महातेजाने त्या बलानेच विश्वाचे आत्मसातीकरण ते होम. असे करून, परिवाराला त्याच वह्निराशीतून ठिणग्यांप्रमाणे ध्यान करून, तसेच पूजा करावी.