परत्वे ऽपि पञ्चशक्तिः हि परमेश्वरः प्रतिशक्ति च पञ्चरूपता एवं पञ्चविंशतिः शक्तयः ताश् च अन्योन्यम् अनुद्भिन्नविभागा इत्य् एका शक्तिः सा चानुद्भिन्नविभागा इत्य् एवं सप्तविंशतिरूपया व्याप्त्या संविदग्नेः शिखां बुद्धिप्राणरूपां सकृदुच्चारमात्रेणैव बद्धां कुर्यात् येन परमशिव एव प्रतिबद्धा तन्त्रातिरिक्तं न किञ्चिद् अभिधावति तथाविधबुद्ध्यधिष्ठितकरणचक्रानुवेधेन पुरोवर्तिनो यागद्रव्यगृहदिगाधारादीन् अपि तन्मयीभूतान् कुर्यात् ततो ऽर्घपात्रम् अपि शिखाबन्धव्याप्त्यैव पूरयेत् पूजयेच् च तद्विप्रुड्भिः स्थण्डिलान्य् अपि तद्रसेन वामानामाङ्गुष्ठयोगात् देहचक्रेषु मन्त्रचक्रं पूजयेत् तर्पयेत् च ततः प्राणान्तः ततः स्थण्डिले त्रिशूलात्मकं शक्तित्रयान्तम् आसनं कल्पयेत् मायान्तं हि सार्णे औकारे च शक्तित्रयान्तम् आसनं कल्पयेत् मायान्तं हि सार्णे औकारे च शक्तित्रयान्तं तदुपरि याज्या विमर्शरूपा शक्तिः इत्य् एवं सकृद् उच्चारेणैव आधाराधेयन्यासं कृत्वा तत्रैव आधेयभूतायाम् अपि संविदि विश्वं पश्येत् तद् अपि च संविन्मयम् इत्य् एवं विश्वस्य संविदा तेन च तस्याः सम्पुटीभावो भवति संविद उदितं तत्रैव पर्यवसितं यतो विश्वं वेद्याच् च संवित् उदेति तत्रैव च विश्राम्यति इति एतावत्त्वं संवित्तत्त्वं सम्पुटीभावद्वयात् लभ्यते
Transliteration (IAST)
paratve 'pi pañcaśaktiḥ hi parameśvaraḥ pratiśakti ca pañcarūpatā evaṃ pañcaviṃśatiḥ śaktayaḥ tāś ca anyonyam anudbhinnavibhāgā ity ekā śaktiḥ sā cānudbhinnavibhāgā ity evaṃ saptaviṃśatirūpayā vyāptyā saṃvidagneḥ śikhāṃ buddhiprāṇarūpāṃ sakṛduccāramātreṇaiva baddhāṃ kuryāt yena paramaśiva eva pratibaddhā tantrātiriktaṃ na kiñcid abhidhāvati tathāvidhabuddhyadhiṣṭhitakaraṇacakrānuvedhena purovartino yāgadravyagṛhadigādhārādīn api tanmayībhūtān kuryāt tato 'rghapātram api śikhābandhavyāptyaiva pūrayet pūjayec ca tadvipruḍbhiḥ sthaṇḍilāny api tadrasena vāmānāmāṅguṣṭhayogāt dehacakreṣu mantracakraṃ pūjayet tarpayet ca tataḥ prāṇāntaḥ tataḥ sthaṇḍile triśūlātmakaṃ śaktitrayāntam āsanaṃ kalpayet māyāntaṃ hi sārṇe aukāre ca śaktitrayāntam āsanaṃ kalpayet māyāntaṃ hi sārṇe aukāre ca śaktitrayāntaṃ tadupari yājyā vimarśarūpā śaktiḥ ity evaṃ sakṛd uccāreṇaiva ādhārādheyanyāsaṃ kṛtvā tatraiva ādheyabhūtāyām api saṃvidi viśvaṃ paśyet tad api ca saṃvinmayam ity evaṃ viśvasya saṃvidā tena ca tasyāḥ sampuṭībhāvo bhavati saṃvida uditaṃ tatraiva paryavasitaṃ yato viśvaṃ vedyāc ca saṃvit udeti tatraiva ca viśrāmyati iti etāvattvaṃ saṃvittattvaṃ sampuṭībhāvadvayāt labhyate
परत्व में भी परमेश्वर पाँच शक्ति वाला है, और प्रत्येक शक्ति में पाँच रूपता (है) — इस प्रकार पचीस शक्तियाँ (हुईं); और वे परस्पर अनुद्भिन्न-विभाग (अप्रकटित भेद) वाली हैं — इस प्रकार एक ही शक्ति (है), और वह भी अनुद्भिन्न-विभाग वाली — इस प्रकार सत्ताईस रूप वाली व्याप्ति से संवित्-अग्नि की शिखा को, जो बुद्धि एवं प्राण रूप है, एक ही उच्चार-मात्र से बद्ध कर दे, जिससे परम शिव में ही प्रतिबद्ध (वह शिखा) तन्त्र (बन्धन) से अतिरिक्त किसी की ओर नहीं दौड़ती। वैसी बुद्धि से अधिष्ठित करण-चक्र के अनुवेध से सामने स्थित याग-द्रव्य, गृह, दिशा, आधार आदि को भी तन्मय बना दे। तदनन्तर अर्घ-पात्र को भी शिखा-बन्ध की व्याप्ति से ही पूरित करे, और उसके बिन्दुओं से स्थण्डिलों को भी (पूरित) करके पूजे; उस रस से, वाम अनामिका एवं अङ्गुष्ठ के योग से, देह-चक्रों में मन्त्र-चक्र की पूजा एवं तर्पण करे। तत्पश्चात् प्राण-पर्यन्त (व्याप्ति करे)। तत्पश्चात् स्थण्डिल में त्रिशूल-आत्मक, शक्ति-त्रय-पर्यन्त आसन की कल्पना करे — माया-पर्यन्त सार्ण (वर्ण-सहित) औकार में शक्ति-त्रय-पर्यन्त (आसन), तथा उसके ऊपर विमर्श-रूपा याज्या (पूज्य) शक्ति — इस प्रकार एक ही उच्चार से आधार-आधेय-न्यास करके, आधेय-भूत उस संवित् में ही विश्व को देखे, और उसे भी संविन्मय (देखे)। इस प्रकार विश्व का संवित् से, और उससे (विश्व से) उस (संवित्) का — सम्पुटीभाव (परस्पर-समावेश) होता है। संवित् से उदित (विश्व) उसी में पर्यवसित हो जाता है, क्योंकि विश्व (संवित् से उदित होता है), और वेद्य (ज्ञेय) से संवित् उदित होती है तथा उसी में विश्राम करती है। इस प्रकार 'इतना' संवित्-तत्त्व दो प्रकार के सम्पुटीभाव से प्राप्त होता है।