kalā

तद् यथा नियतिः रागो ऽशुद्धविद्या कालः कला चेति

तत्र मायातः कला जाता या सुप्तस्थानीयम् अणुं किञ्चित्कर्तृत्वेन युनक्ति सा च उच्छूनतेव संसारबीजस्य मायाण्वोर् उभयोः संयोगात् उत्पन्नापि मायां विकरोति न अविकार्यम् अणुम् इति मायाकार्यत्वम् अस्याः

एवं किञ्चित्कर्तृत्वं यत् मायाकार्यं तत्र किञ्चित् त्व् अविशिष्टं यत् कर्तृत्वं विशेष्यं तत्र व्याप्रियमाणा कला विद्यादिप्रसवहेतुः इति निरूपितम्

कलाद्यध्वा तु निरूप्यते तत्र यथा भुवनेषु अनुगामि किञ्चिद् रूपं तत्त्वम् इत्य् उक्तम् तथा तत्त्वेषु वर्गशो यत् अनुगामि रूपं तत् कला एकरूपकलनासहिष्णुत्वात्