तत्र ध्यानं तावत् इह उचितम् उपदेक्ष्यामः यत् एतत् स्वप्रकाशं सर्वतत्त्वान्तर्भूतं परं तत्त्वम् उक्तं तद् एव निजहृदयबोधे ध्यात्वा तत्र प्रमातृप्रमाणप्रमेयरूपस्य वह्न्यर्कसोमत्रितयस्य सङ्घट्टं ध्यायेत् यावत् असौ महाभैरवाग्निः ध्यानवातसमिद्धाकारः सम्पद्यते तस्य प्राक्तनशक्तिज्वालाद्वादशकपरिवृतस्य चक्रात्मनः चक्षुरादीनाम् अन्यतमसुषिरद्वारेण निःसृतस्य बाह्ये ग्राह्यात्मनि विश्रान्तं चिन्तयेत् तेन च विश्रान्तेन प्रथमं तद्बाह्यं सोमरूपतया सृष्टिक्रमेण प्रपूरितं ततः अर्करूपतया स्थित्या अवभासितं ततो ऽपि संहारवह्निरूपतया विलापितं ततः अनुत्तरात्मताम् आपादितं ध्यायेत्
Transliteration (IAST)
tatra dhyānaṃ tāvat iha ucitam upadekṣyāmaḥ yat etat svaprakāśaṃ sarvatattvāntarbhūtaṃ paraṃ tattvam uktaṃ tad eva nijahṛdayabodhe dhyātvā tatra pramātṛpramāṇaprameyarūpasya vahnyarkasomatritayasya saṅghaṭṭaṃ dhyāyet yāvat asau mahābhairavāgniḥ dhyānavātasamiddhākāraḥ sampadyate tasya prāktanaśaktijvālādvādaśakaparivṛtasya cakrātmanaḥ cakṣurādīnām anyatamasuṣiradvāreṇa niḥsṛtasya bāhye grāhyātmani viśrāntaṃ cintayet tena ca viśrāntena prathamaṃ tadbāhyaṃ somarūpatayā sṛṣṭikrameṇa prapūritaṃ tataḥ arkarūpatayā sthityā avabhāsitaṃ tato 'pi saṃhāravahnirūpatayā vilāpitaṃ tataḥ anuttarātmatām āpāditaṃ dhyāyet
તેમાં પ્રથમ ધ્યાન — જે અહીં ઉચિત છે તે — અમે ઉપદેશીશું. જે આ સ્વ-પ્રકાશ, સર્વ તત્ત્વોમાં અંતર્ભૂત, પરમ તત્ત્વ કહ્યું, એને જ પોતાના હૃદય-બોધમાં ધ્યાઈને, ત્યાં પ્રમાતા-પ્રમાણ-પ્રમેય રૂપ વહ્નિ-અર્ક-સોમ(અગ્નિ-સૂર્ય-ચંદ્ર)-ત્રિકના સંઘટ્ટ (પ્રબળ સંયોગ)નું ધ્યાન કરે — જ્યાં સુધી આ મહા-ભૈરવ-અગ્નિ, ધ્યાનરૂપી પવનથી પ્રજ્વલિત આકારવાળો, સંપન્ન થાય. પૂર્વોક્ત શક્તિ-જ્વાળાઓના બાર(૧૨)થી પરિવૃત (ઘેરાયેલા) ચક્ર-સ્વરૂપ એ (અગ્નિ)ને, ચક્ષુ આદિ કોઈ એક સુષિર (છિદ્ર)-દ્વારથી નીકળીને બાહ્ય ગ્રાહ્ય (વિષય) ઉપર વિશ્રાંત થયેલો ચિંતવે. અને એ વિશ્રાંત (અગ્નિ) વડે પ્રથમ તે બાહ્ય (વિષય)ને સોમ(ચંદ્ર)-રૂપે સૃષ્ટિ-ક્રમે પ્રપૂરિત (ભરી દીધેલું), પછી અર્ક(સૂર્ય)-રૂપે સ્થિતિથી અવભાસિત (પ્રકાશિત), પછી સંહાર-વહ્નિ(અગ્નિ)-રૂપે વિલાપિત (વિલીન), પછી અનુત્તર-આત્મતા (પરમ-સ્વરૂપ) પમાડેલું — એમ ધ્યાન કરે.